வித்து விதையாகுவதே விருட்சமாகத்தானே !

ஓர் விருட்சம் மலர்வது - அதன்

சந்ததியை விஸ்தரிக்க 

காய் கனியாகுவது - அதன் 

வித்துக்களை மண்ணில் விதைக்க 

வித்துக்கள் விதையாகுவது - புது 

விருட்சங்கள் தழைக்க

ஆகையால்,

வித்துக்கள் விதையாகுவது பழைய சந்ததியின்  முடிவல்ல 

புதியதொரு தலைமுறையின் தொடக்கம்!

இது விதயாகிப்போகும் வீர மறவர்களுக்கும் பொருந்தும் 

ஏனென்றால், 

அவர்கள் 'விடுதலை' எனும் விருட்சத்தை 

உருவாக்கும் வித்துக்கள் என்பதால்!  

நீலா 

முடிவென்பதும் ஆரம்பமே ...

தொடக்கம் என்பது  இருக்கும் போது 

முடிவென்பது சகஜமே 

ஆனால் 

முடிந்துவிட்டதே  என்று 

சோர்ந்துவிடாதே மனமே 

சிந்தித்துப்பார் ...

ஒரு முற்றுப்புள்ளி முடிவில் நீயும் 

இன்னும் சில புள்ளிகள் வைத்தால் 

முடிவென்பதும் ஆரம்பமே. 

நீலா